Gürcüstan ABŞ və Avropa ilə münasibətləri yenidən qurmağa hazırdır
Gürcüstan hakimiyyəti ABŞ və Avropa ilə münasibətlərin yenidən qurulmasına hazırdır.
Crossmedia.az xəbər verir ki, bu barədə Tbilisi meri Kaxa Kaladze yerli mediaya açıqlamasında bildirib.
Onun sözlərinə görə, son üç il ölkə üçün olduqca çətin keçib, lakin cəmiyyət Gürcüstanın qarşılaşdığı çağırışları aydın şəkildə dərk edib.
"Biz dəfələrlə münasibətlərin tənzimlənməsinə hazır olduğumuzu ifadə etmişik. Bu müddət ərzində ölkəmizin maraqlarını qoruduq və heç kimə Gürcüstandan öz məqsədləri üçün istifadə etməyə imkan vermədik.
Son üç il ağır sınaqlarla dolu olub. Siz yadınızdadır, nə qədər təzyiqlər, hədə-qorxular olub və bu proses indi də davam edir. Ancaq biz xalqımızla birlikdə qətiyyət göstərdik, ölkəmizə qarşı mübarizə aparan qüvvələri ifşa etdik. Cəmiyyət gerçəkləri dərk etdi və biz birlikdə Gürcüstan üçün böyük fəlakətin qarşısını ala bildik", – deyə Kaladze vurğulayıb.
O, ümid edir ki, ABŞ-də "dərin dövlət" üzərində qələbədən sonra Gürcüstanın Qərblə münasibətləri yenidən qurulacaq və bu, ölkə üçün müsbət nəticələr verəcək.
ABŞ prezidenti dərin dövlət”i məğlub etmək niyyətini bəyan edib. Biz istəyirik ki, bu proses təkcə bəyanatlarla məhdudlaşmasın, konkret addımlarla müşayiət olunsun. Münasibətlərin yenidən qurulması başlamalı və hətta strateji tərəfdaşlıq belə yeni səhifədən başlanmalıdır", – Kaladze bildirib.
Fatimə Məmmədova
19:24 11.03.2025
Oxunuş sayı: 1640
