Ukrayna və ABŞ rəsmiləri Səudiyyə Ərəbistanında danışıqlar apardı
Ukrayna və ABŞ rəsmiləri çərşənbə axşamı Səudiyyə Ərəbistanında müharibəyə son qoymaq üçün danışıqlar aparıb.
Crossmedia.az xəbər verir ki, görüş, Ukraynanın Moskvaya indiyə qədərki ən böyük dron hücumunu həyata keçirməsindən bir neçə saat sonra baş tutub.
Prezident Volodimir Zelenski Rusiya ilə havada və dənizdə ilkin atəşkəs təklif edib.
Bu addım, ABŞ prezidenti Donald Trampın müharibəni tez bitirmək istəyinə uyğun hesab edilir.
ABŞ-ın Ukraynaya hərbi yardımını dayandırması və kəşfiyyat məlumatlarının paylaşılmasını dondurması Kiyevin Avropadakı müttəfiqlərini narahat edir. Böyük Britaniyanın baş naziri Keir Starmer Trampa bu addımların geri qaytarılması üçün ümid etdiyini bildirib.
Bu arada, Ukrayna gecə Moskvaya 91 dronla hücum edib, üç nəfər həlak olub, hava limanlarında uçuşlar ləğv edilib. Kiyev bu hücumu Rusiyanın davam edən raket və dron zərbələrinə cavab adlandırıb.
Zelenski Avropa ölkələrini atəşkəs təklifini dəstəkləməyə çağırıb və Rusiyanın sülhə həqiqətən hazır olub-olmadığını yoxlamaq istədiyini bildirib.
Mədinə Cəlilova
18:42 11.03.2025
Oxunuş sayı: 7652
