Almaniya nüvə məsələsini ümzakirə etmək istəyir
Almaniyanın gələcək kansleri namizədi Fredrix Merz bazar günü müsahibədə, Avropanın nüvə çəkindiriciliyini gücləndirmək məqsədilə Fransa və Böyük Britaniya ilə nüvə silahlarının paylaşılması barədə danışıqlara ehtiyac olduğunu bildirib. O, bu təşəbbüsün ABŞ-ın Avropadakı nüvə qorumasının əvəzi deyil, onun tamamlayıcısı olacağını vurğulayıb:
"Nüvə silahlarının paylaşılması vacib bir məsələdir – birlikdə daha güclü nüvə deterrensiyasına sahib olmalıyıq. Həmçinin, ABŞ-ın təmin etdiyi nüvə kalkanını dəstəkləmək də önəmlidir.”
Almaniya, İkinci Dünya Müharibəsi səbəbindən beynəlxalq müqavilələrlə nüvə silahlarından imtina etsə də, NATO-nun silah paylaşımı razılaşmalarında iştirak edərək təhlükəsizliyini təmin edir.
Eyni zamanda, Brüsseldə keçirilən zirvədə Avropa İttifaqı liderləri, Rusiyanın Ukraynaya qarşı hərbi əməliyyatlarından və potensial hücum təhlükəsindən narahat olaraq müdafiə xərclərinin artırılmasını dəstəklədiklərini bildirdi.
Merz, Almaniyanın müdafiə və infrastruktur sahələrində xərcləri artırmaq üçün parlamentdən iki maliyyə paketinin qəbul edilməsinin və dövlət borc qaydalarında dəyişikliklərin edilməsi vacibliyini vurğulayıb. Bu tədbirlərin həyata keçirilməsi üçün Sosial Demokratlar və dəstəyə ehtiyac duyulan Yaşıllar Partiyasının rolu böyükdür.
Yaşıllar Partiyası isə dəstəkləmə şərti ilə maliyyə paketlərində fondların daha çox hissəsinin dövlətlərə və yerli bələdiyyələrə yönəldilməsini və müdafiə üçün ayrılmış vəsaitin qorunmasını tələb edir.
Merz, Pasxa bayramına qədər koalisiya hökuməti qurmağı və bu istiqamətdə Yaşıllarla intensiv danışıqlar aparmağı planlaşdırdığını bildirdi.
Mədinə Cəlilova
10:16 10.03.2025
Oxunuş sayı: 8560
