Vaşinqton və Kiyev mineral ehtiyatlara dair saziş üzərində işi yekunlaşdırıb
Amerika Birləşmiş Ştatları və Ukrayna mineral ehtiyatlar üzrə sövdələşmə barədə razılığa gəliblər və bu mövzuda danışıqlar başa çatıb. Bu barədə ABŞ-nin maliyyə naziri Skot Bessent “Fox Business” kanalında məlumat verib.
Bessent qeyd edib ki, saziş strateji faydalı qazıntılar, neft və qaz, eləcə də infrastruktur aktivləri üzrə əməkdaşlığı nəzərdə tutur. Onun fikrincə, bu razılaşma həm Vaşinqton, həm də Kiyev üçün faydalı olacaq.
“Saziş hazırdır. Ukrayna prezidenti Vladimir Zelenski onu imzalamağa gələcək, ona görə də bu məsələ ilə bağlı daha danışıqlar aparılmır. Əminəm ki, prezidentlər geniş mövzuları müzakirə edəcəklər, lakin sazişə gəlincə, o, hazırdır. Mətn artıq kağız üzərindədir, Ukrayna hökuməti sənədi təsdiqləyib, indi isə sadəcə olaraq sənədin imzalanmasını gözləyir”. (report)
08:10 28.02.2025
Oxunuş sayı: 10682
