Slovakiyanın Azərbaycandakı səfirliyi Xocalı soyqırımı ilə bağlı paylaşım edib
Slovakiyanın Azərbaycandakı səfirliyi Xocalı soyqırımının 33-cü ildönümü ilə bağlı başsağlığı verib.
Crossmedia.az xəbər verir ki, bu barədə səfirlik sosial şəbəkə hesabında paylaşım edib.
"33 il keçdi...
Bu gün biz 1992-ci ildə Xocalıda həyatını itirənlərin matəmini saxlayan azərbaycanlılarla birgə kədərlənirik.
Xocalıda ailələrini, dostlarını və evlərini itirən hər kəsə dərin hüznlə başsağlığı veririk", - səfirlikdən bildirilib.
Qeyd edək ki, 1992-ci il fevralın 25-dən 26-na keçən gecə erməni silahlı birləşmələri keçmiş SSRİ-nin 366-cı motoatıcı alayının köməyi ilə Xocalı şəhərinə hücum edərək dinc əhaliyə vəhşicəsinə divan tutublar. Şəhərin 613 sakini, o cümlədən 63 uşaq, 106 qadın xüsusi amansızlıqla qətlə yetirilib, 1275 nəfər əsir və girov götürülərək işgəncələrə məruz qalıb. Onlardan 150-sinin taleyi indiyədək məlum deyil. Xocalının 5379 sakini şəhərdən zorakılıqla qovulub, 8 ailə tamamilə məhv edilib, 25 uşaq hər iki valideynini, 130 uşaq isə valideynlərindən birini itirib.
17:46 26.02.2025
Oxunuş sayı: 5333
