Gürcüstanda bu məsələylə bağlı cinayət məcəlləsi müəyyən ediləcək
Gürcüstanda “Xarici agentlərin qeydiyyatı haqqında” qanunda nəzərdə tutulmuş vəzifələrin yerinə yetirilməməsi və ya düzgün yerinə yetirilməməsi üçün cinayət məsuliyyəti müəyyən ediləcək.
Crossmedia.az xarici mənbələrə istinadən xəbər verir ki,Hakim partiya “Gürcü Arzusu” tərəfindən təqdim olunan qanun layihəsinə əsasən, ABŞ-da qüvvədə olan FARA (Xarici agentlərin qeydiyyatı haqqında qanun) qanununun dəqiq tərcüməsi nəzərdə tutulur və Cinayət Məcəlləsinə dəyişikliklər edilməsi planlaşdırılır.
Təklifə əsasən, “Xarici agentlərin qeydiyyatı haqqında” qanunun tələblərinin pozulmasına görə cərimə və ya 5 ilə qədər azadlıqdan məhrumetmə cəzası nəzərdə tutulur.
Keçən il etirazlar fonunda qəbul edilən “Xarici təsirin şəffaflığı haqqında” qanun isə tələblərin yerinə yetirilməməsinə görə inzibati cərimələri nəzərdə tutur.
Nuray Mikayıllı
14:01 26.02.2025
Oxunuş sayı: 8453
