Fransa Avropa üçün nüvə imkanlarını bölüşməyə hazırlaşır
Fransa ilk dəfə olaraq öz nüvə imkanlarını Avropa ölkələri ilə bölüşə bilər. Bu addım Nüvə Fəaliyyət Planı (NAP) çərçivəsində həyata keçiriləcək.
Crossmedia.az "The Telegraph"a istinadən bildirir ki, hazırda Britaniya nüvə başlıqlarını NATO ilə paylaşsa da, Fransanın nüvə potensialı tamamilə milli nəzarət altındadır. Lakin yeni plan Parisin bu siyasətində mühüm dəyişiklik deməkdir.
Fransa Avropanın ən böyük nüvə gücü və Aİ-də yeganə nüvə silahına sahib ölkədir. Hazırda 350-yə yaxın nüvə başlığına malik olan Paris ilk dəfə olaraq nüvə silahı daşıyan qırıcı təyyarələrini Almaniyada yerləşdirməyi planlaşdırır.
Məlumatlara görə, Polşa Almaniyanın nüvə silahına sahib olmasını istəmir və yalnız Fransanın nüvə potensialının bölüşdürülməsinə dəstək verir.
Beləliklə ekspertlər hesab edirlər ki, Fransanın yeni nüvə siyasəti Avropanın təhlükəsizlik strategiyasına ciddi təsir göstərə bilər.
Fidan Xəlilova
21:14 25.02.2025
Oxunuş sayı: 7895
