Putin və Trampın görüşü ilə bağlı razılıq yoxdur
Rusiya və ABŞ prezidentlərinin mümkün görüşü ilə bağlı hələlik razılıq əldə olunmayıb. Kremlin sözçüsü Dmitri Peskovun sözlərinə görə, bu məsələ Ər-Riyadda keçirilən Rusiya-ABŞ danışıqlarının nəticələrindən sonra aydınlaşa bilər.
Crossmedia.az xəbər verir ki, bu barədə TASS məlumat verib.
Məlumata görə, Ər-Riyadda baş tutan görüşdə tərəflər iqtisadi əməkdaşlığın bərpası, Ukrayna münaqişəsinin həlli və Rusiya Prezidenti Putin və ABŞ prezidenti Donald Trampın görüşünün mümkün təşkili məsələlərini müzakirə ediblər. Danışıqlarda Rusiya tərəfini Sergey Lavrov, Yuri Uşakov və Kirill Dmitriyev, ABŞ tərəfini isə Marko Rubio, Mayk Uolts və Stiven Uitkoff təmsil edir.
Qeyd edək ki, Tramp seçki kampaniyası və inauqurasiyadan sonra dəfələrlə Putinlə görüşmək arzusunu ifadə edib. ABŞ lideri Ər-Riyadın mümkün görüş yeri ola biləcəyini bildirib.
Xatırladaq ki, Putin və Tramp sonuncu dəfə 2019-cu ildə Osakada G20 sammitində görüşüblər.
Fidan Xəlilova
17:35 18.02.2025
Oxunuş sayı: 6106
