Avstraliyada yaşayan azərbaycanlı sənətçilər Beynəlxalq Multikultural Festivalda çıxış ediblər
Azərbaycan Avstraliya İttifaqının Kanberra şəhərində keçirilən ənənəvi Beynəlxalq Multikultural Festivalda təmsil olunub.
Crossmedia.az xəbər verir ki, Diasporla İş üzrə Dövlət Komitəsinin dəstəyi və “Avstraliya-Azərbaycan Mədəniyyət Assosiasiyası”nın təşkilatçılığı ilə keçirilən tədbirə Azərbaycan Respublikasının Avstraliya İttifaqındakı müvəqqəti işlər vəkili Vaqif Cəfərov, eləcə də Sidney, Melburn və Brisbon şəhərindən gələn diaspor nümayəndələrimiz qatılıb.
Festivalda Azərbaycana aid guşə yaradılıb, əcnəbilərə milli rəqsimiz “Yallı”nın ifa olunması öyrədilib.
Ruslan Elmanlının aparıcılıq etdiyi tədbirdə milli rəqslərimiz nümayiş olunub, mahnılarımız səsləndirilib. Əməkdar artisti, xoreoqraf Sevinc Hüseynli “Sarı Gəlin”, Reza Xodayari “Şalaxo”, Məhsa Qənbəri “Sevgili Canan”, Reza Xodayari ilə Məhsa Qənbəri birlikdə “Dərbəndi” rəqslərini ifa edib. Soydaşlarımız Ülviyyə Afari “Dağlarda duman gözəldir”, Şəhla Elmanlı isə “Azərbaycan” mahnılarını oxuyub.
14:44 11.02.2025
Oxunuş sayı: 3479
