Türkiyəli psixoloq Crossmedia-a danışdı: "Kiberbulinqin artması nəticəsində intihar halları da çoxalır"
Texnologiyanın inkişafı ilə əlaqədar
insanların internetdən istifadəsi daha da artıb. Bu tendesiya asılılığa səbəb olur.
Gənclər arasında internet aslılığı dövrümüzün aktual problemlərindən biridir.
Bu aslılıq gəncləri, uşaqları insanlardan uzaqlaşdırır, vaxtlarını səmərəli
keçirməsinə maneə olur. Həmçinin ünsiyyət prosesini də zəiflədir.
Texnologiyanın gəncə nəslə təsiri barədə Crossmedia.az-a danışan türkiyəli psixoloq Ezgi Şahin bildirib ki, internet sadecə aslılıq yaratmır, gənclərin özlərinə zərər vermələrinə də səbəb ola bilir:
"Gənclər arasında internet aslılığı
çox artıb və gənclər, uşaqlar artıq internet üzərindən bir-birilərinə qarşı təhdid
kimi etik olmayan davranışlar sərgiləyirlər. Bu hadisələrdən sonra qarşı tərəf
intihara cəhd göstərir, özünə zərər verir. Kiberbulinqin artması nəticəsində intihar halları da
çoxalır".
Psixoloq qeyd edib ki, insanlar çox
zaman bu asılılıqdan qurtulmaq üçün səy göstərmirlər və nəticədə aslılıq bağımlılığa
çevrilir: "Gənclər arasında internet asılılığının bir çox səbəbi var.
Artıq texnologiya dövründə yaşayırıq və insanlar nəqliyyat vasitələrində belə
yola baxmadan hərəkət edirlər, telefona çox bağlı qalırlar. Özlərini telefondan
uzaqlaşdırmaq üçün heç nə etmirlər. Məsələn, bir gün ərzində telefona baxmayıb “
bu gün özümə istirah verirəm" demirlər. Bəzi pasiyentlər hətta bildirirlər
ki, telefon uzaqda olanda onlar narahat olurlar.Buna “bağımlılıq” deyilir.
Bağımlılıq sadecə narkotikə, siqaretə aid olmur. Həmçinin texnologiya
bağımlılığı da mövcuddur".
E. Şahin sonda bildirib ki, valideynlər
uşaqlarını aslılıqdan xilas etmək üçün övladlarının vaxtını daha səmərəli keçirə
biləcəyi hobbilər, əyləncələr təşkil edə bilərlər: "Bu insanların dəstək
alması çox xoş olar. Ata-analar uşaq evdə olanda telefondan az istifadə etməlidirlər.
Çünki uşaq evdə gördüyü alışqanlıqları
öz həyatında da tətbiq etməyə yönəlir. Ailə üzvlərinin bu baxımdan təsiri çox
böyükdür. Məsələn, valideynlər bir günü kitab oxuma günü kimi keçirə bilərlər.
Bunun nəticəsində uşaqların vaxtının daha səmərəli və maraqlı keçməsini təmin
edə bilərlər".
Saida Ramazanovi
13:30 27.01.2025
Oxunuş sayı: 13780
