Gürcüstan və Azərbaycan sərhədləri aradan qaldırır: “Vahid pəncərə” sistemi hərəkəti asanlaşdıracaq
Gürcüstan Azərbaycanla birgə “vahid pəncərə” prinsipi əsasında sərhəd-keçid məntəqələri yaradacaq. Bu barədə Gürcüstanın maliyyə naziri Laşa Xutsişvili Vaşinqtonda BVF nümayəndəsi ilə görüş zamanı bildirib.
Crossmedia.az xarici mediaya istinadən xəbər verir ki, nazirin sözlərinə görə, təşəbbüsün həyata keçirilməsi üçün prosedurların sadələşdirilməsi və infrastrukturun müasirləşdirilməsi vacibdir. O, həmçinin Azərbaycanın, Türkiyənin və Ermənistanın sərhədlərinə qədər uzanan avtomagistralların tikintisinin tamamlanmasının regionda nəqliyyat əlaqələrinin möhkəmlənməsində mühüm rol oynayacağını vurğulayıb.
Xutsişvili əlavə edib ki, Orta Dəhlizin inkişafı üçün sıx regional əməkdaşlıq və beynəlxalq maliyyə institutlarının dəstəyi zəruridir.
Sevinc Yarməmmədova
16:33 19.10.2025
Oxunuş sayı: 12189
