Xarici xəbərlər
Putin Trampın görüş təklifinə müsbət reaksiya verdi
- Rusiya Prezidenti Vladimir Putin ABŞ-nin prezidenti Donald Trampın “Yaxın zamanda Putinlə görüşmək və müharibəni dayandırmaq istəyirəm” sözlərinə müsbət reaksiya verib.
- Crossmedia.az xarici KİV-ə istinadən xəbər verir ki, Rusiya prezidenti Vladimir Putin Rusiya mediasına ABŞ-nin prezidenti Donald Trampla görüş ehtimalını dəyərləndirərkən, ABŞ-la əlaqələri heç vaxt rədd etmədiklərini vurğulayıb.
- Putin deyib: “Keçmiş administrasiya bu əlaqələri rədd etdi və bu, bizim günahımız deyil. Mövcud ABŞ prezidenti ilə hər zaman işgüzar və eyni zamanda praqmatik inama əsaslanan münasibətlərimiz olub. Əgər 2020-ci ildə Trampın əlindən qələbə alınmasaydı, Ukraynada 2022-ci ildə başlayan böhran baş verməzdi. Bu məsələdə onunla razıyam”.
- Trampın prezidentliyi dövründə Rusiyaya tətbiq etdiyi məhdudiyyətlər və sanksiyalar haqqında danışan Putin əlavə edib: “Tramp birinci dövründə Rusiyaya qarşı bir çox sanksiyalar tətbiq etdi, lakin Bayden ‘bayrağı təhvil aldı’ və daha çox məhdudiyyətlər tətbiq etdi. Nəticələr göz qabağındadır. Bu qərarlar ABŞ iqtisadiyyatına böyük ziyan vurdu”.
- Putin, Trampın əməkdaşlıq etmək istəyi ilə bağlı açıqlamalarını müsbət qiymətləndirərək, “Biz buna hər zaman açığıq”, - deyə bildirib.
- Fidan Hacızadə
11:04 25.01.2025
Oxunuş sayı: 1902
