Milli Məclisdə Elm və Təhsil Nazirliyi ilə birgə dinləmənin keçirilməsi təklif olunub
Milli Məclisdə Elm və Təhsil Nazirliyi ilə birgə dinləmənin keçirilməsi təklif olunub.
Crossmedia.az xəbər verir ki, bu təkliflə Milli Məclisin Elm və təhsil komitəsinin üzvü Ceyhun Məmmədov komitənin bu gün keçirilən iclasında çıxış edib.
Onun sözlərinə görə, yaz sessiyasında önəmli məsələlərdən bir də "Ali təhsil haqqında" qanunun qəbuludur:
"Təhsil ictimaiyyəti qanunun qəbulunu səbirsizliklə gözləyir. Qanunda bir çox mühüm məsələlər var. Onlardan biri də doktorantura səviyyəsinin bir ilə endirilməsidir. İnanıram ki, tezliklə qanun qəbul ediləcək və bu da təhsilimizin inkişafına öz töhfəsini verəcək".
Milli Məclisin Elm və təhsil komitəsinin üzvü Əziz Ələkbərli isə "Ali təhsil haqqında" qanunun parlamentin yaz sessiyasının gündəliyinə salınmasını təklif edib.
14:28 23.01.2025
Oxunuş sayı: 12280
