Qadın və kişilərin rollarının dəyişməsi hansı səbəblərdən baş verir?
Son dövrlərdə qadınların daha çox fəaliyyətlə, əməklə məşğul olması onların kişi roluna keçmələrinə səbəb olur.
Kişi rolu(psixikası) necə olur? - Sərt, qoruyucu, qadına nisbətən dar düşüncəli, qısqanc, çox pul qazanmaq üçün çox işləyən, gec yorulan;
Qadın rolu(psixikası) necə olur? - Səmimi, nəzakətli, geniş və yaradıcı düşüncəli, səbirli, kişiyə nisbətən daha tez yorulan.
Rolların dəyişməsinə səbəb qızların azad gəzmək, əylənmək, bəzənmək, alış-veriş etmək, dostlarla vaxt keçirtmək üçün işləməli, əməklə məşğul olmaları düşüncələrinə sahib olmalarıdır.
Bu düşüncə isə cəmiyyətin yanlış inanclarından əmələ gəlmişdir. Məsələn, «azad gəzən, əylənən qız qeyri-əxlaqidir» yanlış inancı kimi.
Bu cür yanlış inancların təsirinə əsasən problemlərdən qaçmaq üçün qadınlar əməklə daha çox məşğul olub çoxlu pul qazanıb özləri öz ehtiyaclarını ödəyərək öz qadın ruhlarını hiss etmədən yaşamağa vərdiş edirlər. Bu hallar zamanı isə kişilər də qadınların daha çox işlədiyini görüb öz əmək qabiliyyətlərini tədricən unutmağa, tənbəllik xüsusiyyətini mənimsəyərək hazır və rahat həyat tərzini seçməyi qərara alırlar.
Belə olduğu halda isə qadın bədənində olan insanların ruhu kişi, kişi bədənində olan insanların ruhu isə qadın olaraq cəmiyyətdə şəxslərarası münasibətlərdə bir çox psixoloji problemlər yaranır. Sağlam ruhda olan qadın və kişi rollarında isə qadınlar yaradıcılıqlarından istifadə edərək kişiləri əməyə cəlb edərək xoşbəxt yaşayırlar.
Maila Əzizli
12:44 13.01.2025
Oxunuş sayı: 6064
