Ceyhun Bayramov: Almaniya Orta Dəhlizin inkişaf etdirilməsi məsələsində də maraqlıdır
Azərbaycan Almaniya ilə birbaşa uçuşların sayının artırılmasında maraqlıdır.
Crossmedia.az xəbər verir ki, bunu Azərbaycanın xarici işlər naziri Ceyhun Bayramov almaniyalı həmkarı Yohan Vadefulla Bakıda brifinqdə deyib.
Nazir xatırladıb ki, 2026-cı ildən başlayaraq Azərbaycandan Almaniyaya qaz təchizatına başlanılıb. Bununla da Azərbaycanın qaz ixrac etdiyi ölkələrin sayı 16-ya çatıb.
Ceyhun Bayramov həmçinin bildirib ki, Xəzər dənizi–Qara dəniz kabel layihəsi ilə bağlı almaniyalı həmkarı ilə müzakirələr aparıb.
"Almaniya bu məsələni əlverişli və faydalı hesab edir. Almaniya Orta Dəhlizin inkişaf etdirilməsi məsələsində də maraqlıdır".
Ceyhun Bayramov iki ölkə arasında müntəzəm uçuşların təşkili barədə də fikir mübadiləsi apardıqlarını bildirib.
"Həmkarıma bu uçuşların sayının artırılmasında maraqlı olduğumuzu ifadə etdik. Almaniyadan Azərbaycana ötən il 24 mindən çox turist gəlib, bu ilin ilk 10 ayında isə bu say artıq 25 mini keçib".(Report)
11:21 18.11.2026
Oxunuş sayı: 100