Kılıçdaroğlu Ekrem İmamoğlu barədə ilk dəfə bu qədər sərt danışdı
Türkiyədə müxalifət daxilində davam edən böhran fonunda CHP sədri Kamal Kılıçdaroğlu Ekrem İmamoğlunun həbsinə dair sərt açıqlamalar verib.
Crossmedia.az xəbər verir ki, “Euronews” bu barədə məlumat yayıb.
Kılıçdaroğlu “Euronews”ə müsahibəsində İmamoğlunun siyasi baxışlarına görə həbs edilmədiyini bildirib və onunla bağlı məhkəmə prosesinə dair diqqətçəkən mesajlar verib.
CHP-də “mütləq butlan” qərarı ilə başlayan siyasi böhran davam edərkən Kılıçdaroğlu İmamoğlunun hüquqi vəziyyətinə münasibət bildirib.
O, İmamoğlunun siyasi mövqeyinə görə həbsdə olmadığını vurğulayıb və məhkəmə prosesində irəli sürülən ittihamlarla bağlı bütün məsələlərin hüquqi çərçivədə araşdırılmasının vacibliyini qeyd edib.
Kılıçdaroğlu İmamoğlunun maliyyə məsələləri ilə bağlı da sərt mövqe nümayiş etdirib. O bildirib ki, hər bir qəpiyin hesabını verməyə hazır olmaq lazımdır.
18:29 08.09.2026
Oxunuş sayı: 51
