Xarici xəbərlər
Putin və Əş-Şaraa Suriyadakı vəziyyəti müzakirə edib
Rusiya Prezidenti Vladimir Putin və Suriya Prezidenti Əhməd Əş-Şaraa arasında telefon danışığı baş tutub.
Crossmedia.az xəbər verir ki, Kreml bu barədə məlumat yayıb.
Söhbət zamanı Rusiya ilə Suriya arasında münasibətlərin inkişafı, mövcud vəziyyət və ikitərəfli əlaqələrin gələcək perspektivləri müzakirə olunub.
Əş-Şaraa Xmeymim aviabazası və Tartusdakı logistika mərkəzinin yenidən təşkili ilə bağlı memorandumun əhəmiyyətini qeyd edib.
Putin isə Suriyanın birliyinə, ərazi bütövlüyünə və suverenliyinə dəstək məsələsində Rusiyanın prinsipial mövqeyini bir daha təsdiqləyib.
17:27 27.08.2026
Oxunuş sayı: 45
