KİV: Netanyahu İsraili bu dəfə Türkiyə ilə mənasız qarşıdurmaya sürükləyir
İsrailin “Haaretz” qəzeti Baş nazir Benyamin Netanyahu hökumətinin Türkiyəyə qarşı ritorikasını və Suriyadakı hərbi addımlarını tənqid edib.
Crossmedia.az xəbər verir ki, “Haaretz” bu barədə redaksiya məqaləsində məlumat yayıb.
Məqalədə Netanyahu hökumətinin İsraili Türkiyə ilə “mənasız qarşıdurmaya” sürüklədiyi bildirilib. Qəzet İsrailin Suriya ərazisinə zərbələri fonunda Ankara ilə bağlı artan sərt ritorikanın təhlükəli nəticələrə səbəb ola biləcəyini vurğulayıb.
“Haaretz” İsraildə seçkilər ərəfəsində Türkiyə əleyhinə siyasi ritorikanın gücləndiyinə diqqət çəkib. Nəşr həmçinin Netanyahu hökumətinin Qəzza və Livandakı hərbi əməliyyatları genişləndirməyə hazırlaşdığı bir vaxtda diqqətini Suriyaya yönəltdiyini qeyd edib.
Qəzet Türkiyənin NATO üzvü və ABŞ-nin yaxın müttəfiqi olduğunu xatırladaraq, İsrailin Ankara ilə mümkün qarşıdurmasının regional və beynəlxalq müstəvidə əlavə risklər yarada biləcəyini bildirib.
Məqalədə İsrailin təhlükəsizliyinin yalnız hərbi zərbələrlə təmin edilə bilməyəcəyi, diplomatiya və düşünülmüş siyasətin də vacib olduğu vurğulanıb.
14:26 24.08.2026
Oxunuş sayı: 40
