Avropada meşə yanğınları ilə mübarizə güclənib: Ölkələr bir-birinə köməyə tələsir
Avropada eyni vaxtda baş verən genişmiqyaslı meşə yanğınları yanğınsöndürmə qüvvələrinin imkanlarını ciddi şəkildə gərginləşdirib. Bir sıra ölkələr alovla mübarizə üçün təyyarə, helikopter və canlı qüvvəni sərhədlərdən kənara göndərməyə məcbur olub.
Crossmedia.az xəbər verir ki, “Times of India” bu barədə məlumat yayıb.
Avropa İttifaqının Birgə Tədqiqat Mərkəzinin məlumatına görə, avqustun 19-dək Aİ ərazisində yanğınlar 619 min 298 hektar sahəni əhatə edib. Bu göstərici 2006-2025-ci illər üzrə eyni dövrün orta göstəricisindən iki dəfədən çoxdur. Avropa Komissiyası bu yay həyata keçirilən əməliyyatı qurumun tarixində ən böyük meşə yanğınlarına qarşı mübarizə əməliyyatı kimi qiymətləndirib. Yüksək riskli ərazilərdə 14 ölkədən 777 yanğınsöndürən, 22 yanğınsöndürmə təyyarəsi və 5 helikopter yerləşdirilib.
11:46 24.08.2026
Oxunuş sayı: 63
