Xarici xəbərlər

İran ABŞ dollarından imtina etməyə çağırdı

İran parlamentinin sədri və ABŞ-lə danışıqlarda ölkənin baş nümayəndəsi Məhəmməd-Baqir Qalibaf Tehranın ABŞ sanksiyalarını dəf etmək üçün xüsusi plan hazırlamalı olduğunu bildirib.

Crossmedia.az ˝Sputnik Armenia˝ya istinadən xəbər verir ki, o, bu barədə Bağdadda İran və İraq biznes nümayəndələri ilə görüşündə danışıb.

Qalibafın sözlərinə görə, ABŞ və İsrail İran və İraqı hərbi qarşıdurma yolu ilə məğlub edə bilməyəcəklərini anlayaraq iqtisadi müharibəyə keçiblər. O, İranın sanksiyalara qarşı müqavimət strategiyası hazırlamasının vacibliyini vurğulayıb.

İran parlamentinin spikeri həmçinin ölkələr arasında ticarətdə ABŞ dollarından deyil, milli valyutalardan istifadə etməyə çağırıb. Onun sözlərinə görə, dünya ABŞ-ın iqtisadi hökmranlığı dövrünü geridə qoyur.

Bundan əvvəl ABŞ Prezidenti Donald Tramp İranı misli görünməmiş miqyasda təcrid etməyə yönəlmiş sarsıdıcı iqtisadi əməliyyatın başladığını açıqlayıb və müttəfiqlərini Vaşinqtona qoşulmağa çağırıb.

Mövzular:

İran ABŞ Tehran Qalibaf sanksiya parlament ticarət

🖨 Çap et

19:11 21.08.2026

Oxunuş sayı: 52