Xarici xəbərlər

Rumınniya sərhədi yaxınlığına naməlum PUA düşdü

Rumıniyada Ukrayna sərhədi yaxınlığında pilotsuz uçuş aparatı (PUA) yerə düşüb. Hadisə nəticəsində yaranan yanğın öz-özünə sönüb.

Crossmedia.az xəbər verir ki, “RİA Novosti” Rumıniya Müdafiə Nazirliyinə istinadən bu barədə məlumat yayıb.

Məlumata görə, PUA gecə saatlarında Rumıniyanın milli hava məkanına daxil olub. Aparat Qalats şəhərindən təxminən 13 kilometr şərqdə, Tulça vilayətinin Qrindu şəhərindən isə təxminən 4 kilometr şimal-şərqdə yerləşən yaşayış olmayan əraziyə düşüb.

Hadisə zamanı PUA-nı İspaniya Hərbi Hava Qüvvələrinin iki F-18 qırıcısının pilotları izləyib. Rumıniya Hərbi Hava Qüvvələrinə məxsus IAR-330 SOCAT helikopteri də kəşfiyyat missiyası üçün havaya qaldırılıb.

Müdafiə Nazirliyinin məlumatına görə, hadisə nəticəsində ölən və yaralanan olmayıb, maddi ziyan barədə də məlumat daxil olmayıb.

Mövzular:

Ukrayna Kiyev PUA İspaniya Rumuniya RİA Novosti Tulça F-18

🖨 Çap et

14:10 20.08.2026

Oxunuş sayı: 56