Dünyanın ən böyük AES layihələrindən biri ilə bağlı iddialara cavab gəldi
˝Rosatom˝ korporasiyası “Politico” nəşrinin Misirdə tikilən Əl-Dabaa Atom Elektrik Stansiyasında (AES) guya mövcud olan risklər barədə yaydığı məlumatı təkzib edib.
Crossmedia.az ˝Sputnik Armenia˝-ya istinadən xəbər verir.
Korporasiyanın bildirilib ki, Əl-Dabaa hazırda dünyada ən böyük AES tikinti layihələrindən biridir. Layihədə təxminən 25 min rusiyalı və misirli mütəxəssis iştirak edir.
Rosatom qeyd edib ki, layihənin həyata keçirilməsi qabaqcıl mühəndislik həllərinin tətbiqini, yüksək möhkəmlikli və mürəkkəb konstruksiyaların inşasını nəzərdə tutur.
Bildirilib ki, Beynəlxalq Atom Enerjisi Agentliyinin baş direktoru Rafael Qrossi də 2025-ci ilin noyabrında və 2026-cı ilin iyulunda reaktor qurğularının quraşdırılması mərasimləri zamanı layihənin təhlükəsizliyini yüksək qiymətləndirib.
Korporasiyanın məlumatına görə, belə böyük miqyaslı və texnoloji baxımdan mürəkkəb layihələrdə tikinti prosesində ayrı-ayrı texniki məsələlərin aşkarlanması və onların aradan qaldırılması üçün tədbirlərin görülməsi normal praktikadır.
22:04 19.08.2026
Oxunuş sayı: 51
