ABŞ və İran arasında gərgin balans: Zərbələr var, amma müharibə yoxdur
ABŞ və İran hazırda genişmiqyaslı müharibənin yenidən başlamasının qarşısını almağa çalışdıqları məhdud qarşıdurma vəziyyətindədirlər.
Crossmedia.az xəbər verir ki, bunu CNN-in hərbi analitiki, ABŞ Hərbi Hava Qüvvələrinin keçmiş polkovniki Sedrik Leyton bildirib.
Onun sözlərinə görə, Vaşinqton və Tehran arasında davam edən qarşılıqlı zərbələr "döyüş ritmi" xarakteri daşıyır. Bu proses tərəflərin təzyiqi qorumasına xidmət edir, lakin vəziyyətin nəzarətsiz eskalasiyaya çevrilməsinin qarşısını almağa yönəlib.
"Biz bir sıra zərbələr və cavab zərbələri görürük. Bu, vəziyyəti aşağı temperaturda saxlamaq, lakin qaynama həddinə çatdırmamaq üçün aparılan qarşıdurmadır", – deyə Leyton bildirib.
Ekspert qeyd edib ki, İran bu strategiya çərçivəsində ayrı-ayrı gəmilərə qarşı zərbələr endirir, ABŞ isə böyük quru qüvvələri yerləşdirməkdən və İranın addımlarını yalnız hərbi yolla dayandırmağa çalışmaqdan çəkinir.
Leytonun fikrincə, hazırda Vaşinqton və Tehran eyni vaxtda həm diplomatik, həm də hərbi müstəvidə fəaliyyət göstərərək güc nümayişi ilə münaqişənin genişlənməsinin qarşısının alınması arasında balans yaratmağa çalışırlar.
11:53 12.07.2026
Oxunuş sayı: 50
