Rusiya rəsmisi Avropanın Ukrayna planını açıqladı
Avropa ölkələri Ukraynaya hərbi əməliyyatları davam etdirməsi üçün maliyyə yardımını uzun müddət davam etdirəcək.
Crossmedia.az xəbər verir ki, bunu Rusiya Xarici İşlər Nazirliyinin xüsusi tapşırıqlar üzrə səfiri Rodion Miroşnik "Solovyov Live" efirində bildirib.
Onun sözlərinə görə, Avropa Ukraynanın hərbi fəaliyyətini dəstəkləmək üçün uzun müddət ərzində böyük maliyyə vəsaitləri ayırmağa hazırdır.
"Avropa, görünür, Ukraynanın hərbi əməliyyatları davam etdirməsini dəstəkləmək üçün uzun müddət böyük məbləğlər ayırmaq qərarına gəlib", – deyə Miroşnik bildirib.
Diplomat iddia edib ki, gələcəkdə digər Avropa ölkələri də bu prosesə cəlb oluna bilər. O, Baltikyanı ölkələri, Polşanı və Rumıniyanı nümunə göstərərək bildirib ki, bu dövlətlər də vəziyyətdən narahatdırlar.
Qeyd edək ki, Miroşnikin açıqlamaları Rusiya tərəfinin mövqeyini əks etdirir. Avropa ölkələri isə Ukraynaya dəstəyin davam etdirilməsini təhlükəsizlik və siyasi öhdəliklərlə əsaslandırırlar.
11:30 12.07.2026
Oxunuş sayı: 69
