Rusiya raketləri Kiyevin müdafiəsini aşdı – diqqətçəkən iddia
Ukraynanın paytaxtı Kiyevin hava hücumundan müdafiə sistemi Rusiyanın son raket hücumlarına qarşı əvvəlki effektivliyini qorumaqda çətinlik çəkir.
Crossmedia.az xəbər verir ki, bu barədə "Le Monde" qəzeti yazıb.
Nəşrin məlumatına görə, iyulun 6-da Kiyevə atılan ballistik raketlərin heç biri Ukraynanın hava hücumundan müdafiə sistemi tərəfindən vurulmayıb.
Adı açıqlanmayan ukraynalı polkovnik bildirib ki, əsas problem "Patriot" hava hücumundan müdafiə sistemləri və onlar üçün raketlərin çatışmazlığı ilə bağlıdır.
Bundan əvvəl Ukrayna Ali Radasının deputatı Aleksandr Fediyenko vətəndaşları ballistik raket hücumları zamanı yalnız hava həyəcanı siqnallarına güvənməməyə çağırmışdı. Kiyev sakinləri də son hücumlar zamanı xəbərdarlıq sistemlərinin vaxtında işləmədiyini bildiriblər.
Qeyd edək ki, Rusiya Müdafiə Nazirliyi iyulun 11-nə keçən gecə Kiyev və Odessa vilayətində Ukrayna ordusunun istifadə etdiyi müəssisələrə və logistika obyektlərinə zərbələr endirdiyini açıqlayıb.
09:31 12.07.2026
Oxunuş sayı: 63
