Xarici xəbərlər

ABŞ-nin yeni zərbələri nəticəsində SEPAH hərbçisi həlak olub

ABŞ Silahlı Qüvvələrinin İrana endirdiyi son zərbələr nəticəsində İran İslam İnqilabı Keşikçiləri Korpusunun (SEPAH) bir hərbçisi həlak olub.

Crossmedia.az xəbər verir ki, bu barədə SEPAH Hərbi Dəniz Qüvvələrinin Bəndər-Mahşəhr şəhəri üzrə mətbuat xidməti məlumat yayıb.

Məlumata görə, hərbçi ABŞ-nin İrana qarşı həyata keçirdiyi yeni hücumlar zamanı həyatını itirib. Ölən şəxsin kimliyi barədə əlavə məlumat açıqlanmayıb.

Xatırladaq ki, iyunun 18-də ABŞ və İran arasında döyüş əməliyyatlarının dayandırılması və danışıqların yeni mərhələsinə başlanmasını nəzərdə tutan 60 günlük müvəqqəti anlaşma memorandumu imzalanmışdı.

Lakin bir neçə gün sonra Vaşinqton İranı Hörmüz boğazında atəşkəs rejimini pozmaqda ittiham edib. Tehran isə öz növbəsində ABŞ hərbçilərinin İrana zərbələr endirdiyini bəyan edib.

🖨 Çap et

12:06 08.07.2026

Oxunuş sayı: 45