Pakistan: ABŞ-İran razılaşması cəmi 24 saat ərzində yekunlaşa bilər
ABŞ-İran arasında mümkün razılaşma yaxın 24 saat ərzində yekunlaşdırıla bilər.
Crossmedia.az xəbər verir ki, bu barədə Pakistanın baş naziri Şahbaz Şərif “X” hesabındakı paylaşımında qeyd edib.
O, qeyd edib ki, tərəflər razılığa gəldikdən sonra sənədin elektron formatda imzalanması nəzərdə tutulur. O, texniki detallarla bağlı danışıqların gələn həftə keçirilməsinin planlaşdırıldığını vurğulayıb.
Nazirin sözlərinə görə, tərəflər sülh sazişinə indiyədək olduğundan daha yaxındırlar və əldə olunacaq mümkün anlaşma regionda uzunmüddətli sabitlik üçün mühüm zəmin yarada bilər.
Şərif həm ABŞ-yə, həm də İrana danışıqlar prosesində nümayiş etdirdikləri öhdəlik və əməkdaşlığa görə təşəkkür edib.
O, regional tərəfdaşların və vasitəçi ölkələrin göstərdiyi dəstəyi yüksək qiymətləndirərək bunun diplomatik səylərin uğurunda mühüm rol oynadığını qeyd edib.
17:18 13.06.2026
Oxunuş sayı: 59
