Polşa XİN: NATO Rusiyanın təxribatlarına hazır olmalıdır
Polşa xarici işlər naziri Radoslav Sikorski Rusiyanın hazırda NATO-ya qarşı genişmiqyaslı hücuma başlamaq imkanının olmadığını bildirib. Lakin Alyans təxribat əməliyyatlarına və təxribatlara hazır olmalıdır.
Crossmedia.az xəbər verir ki, bu barədə Polşa xarici işlər nazirliyi məlumat yayıb.
Sikorskinin sözlərinə görə, Rusiya Polşa və bütün Avropa təhlükəsizlik sistemi üçün real təhlükə olaraq qalır, lakin NATO tammiqyaslı hücuma hazırlıqları vaxtında aşkar edə bilərdi.
Polşalı nazir bildirib ki, Rusiya hazırda NATO-ya qarşı böyük bir hücum başlatmaq iqtidarında deyil, amma əgər buna hazırlaşsaydı, biz bunu görərdik - bizim peyk kəşfiyyatımız var. Ukrayna ətrafında aylardır artan 100.000 əsgərin cəmləşdiyini gördük.
Sikorski vurğulayıb ki, NATO Rusiyanın təxribatlarına hazır olmalıdır.
23:56 27.05.2026
Oxunuş sayı: 44
