Tehran zənginləşdirmə səviyyəsi barədə ABŞ ilə danışıqlar aparır
Tehran uranın zənginləşdirilməsi prinsipini müzakirə predmetinə çevirmir, lakin zənginləşdirmə faizinin məhdudlaşdırılması ilə bağlı ABŞ ilə dialoq aparır.
Crossmedia.az xəbər verir ki, bunu İran parlamentinin nümayəndəsi Möhsün Zəngənə bildirib.
Onun sözlərinə görə, bütün danışıqlar prosesi ölkə rəhbərliyinin tam koordinasiyası ilə davam etdirilir.
Zəngənə qarşıdan gələn Qədir-Xum bayramına qədər İranın qələbəsini qeyd edə biləcəyinə ümid etdiyini bildirib.
Qədir-Xum şiə müsəlmanları üçün mühüm dini bayramlardan biri hesab olunur. Bu gün Məhəmməd Peyğəmbərin İmam Əlini öz varisi elan etdiyi gün kimi qeyd edilir.
20:43 27.05.2026
Oxunuş sayı: 55
