İran ABŞ ilə saziş çərçivəsində Hörmüz boğazını açmaq planlarını təsdiqləyib
Tehran ABŞ ilə memorandum şəklində çərçivə sazişinin ilkin və qeyri-rəsmi layihəsini alıb.
Crossmedia.az xəbər verir ki, bu barədə İran dövlət televiziyası məlumat yayıb.
Çərçivə sənədinə əsasən, İran bir ay ərzində Hörmüz boğazı vasitəsilə kommersiya gəmiçiliyini müharibədən əvvəlki səviyyəyə qaytarmalı, ABŞ isə öz hərbi qüvvələrini İranın ətrafındakı bölgədən çıxarmalı və dəniz blokadasını ləğv etməlidir.
Hörmüz boğazında gəmilərin hərəkətinin idarə edilməsi İran və Oman tərəfindən birgə həyata keçiriləcək.
Bununla belə, sənəd hələ tam razılaşdırılmayıb, ona görə də Tehran etibarlı təsdiq olmadan heç bir addım atmayacaq.
Eləcə də qeyd olunur ki, əgər yekun razılaşma 60 gün ərzində əldə olunarsa, o, BMT Təhlükəsizlik Şurasının məcburi qətnaməsi şəklində təsdiq edilə bilər.
20:40 27.05.2026
Oxunuş sayı: 40
