Xarici xəbərlər

Köçəryan: Bakı ilə danışıqları dayandırmaq niyyətimiz yoxdur

Ermənistanın keçmiş prezidenti Robert Köçəryan Bakı ilə aparılan danışıqlar prosesini dayandırmaq niyyətində olmadığını bildirib.

Crossmedia.az bu barədə xarici mediaya istinadən xəbər verir.

Köçəryan seçki kampaniyası çərçivəsində etdiyi açıqlamada qeyd edib ki, əgər hakimiyyətə gələrsə, Azərbaycanla dialoq davam etdiriləcək.

Onun sözlərinə görə, mümkün sülh sazişi beynəlxalq zəmanətlərlə, o cümlədən BMT Təhlükəsizlik Şurasının mexanizmləri ilə müşayiət olunmalıdır və razılaşmaların pozulması halında konkret nəticələr müəyyənləşdirilməlidir.

Açıqlama Ermənistan daxilində müxalifət və hakimiyyət arasında sülh gündəliyi ilə bağlı müzakirələri yenidən gündəmə gətirib.

🖨 Çap et

18:16 25.05.2026

Oxunuş sayı: 62