Mirzoyan Rubionun İrəvan səfəri ilə bağlı bu iddiaları rədd edib
Ermənistanın xarici işlər naziri Ararat Mirzoyan ABŞ dövlət katibi Marko Rubionun İrəvana planlaşdırılan səfərinin parlament seçkiləri ilə əlaqələndirilməsi barədə yayılan fikirləri təkzib edib.
Crossmedia.az bu barədə xarici mediaya istinadən xəbər verir.
Mirzoyan jurnalistlərin sualına cavab olaraq bildirib ki, bu səfərin seçkilərlə bağlanması məntiqsizdir.
“Bunun seçkilərə nə dəxli var? Necə bağlı ola bilərdi?” – deyə nazir qeyd edib.
O, səfərdən sonra hansı sənədlərin imzalana biləcəyi ilə bağlı detallara toxunmayıb və bütün məlumatların rəsmi şəkildə vaxtı çatanda açıqlanacağını bildirib.
İlkin məlumatlara görə, Rubio İrəvanda Mirzoyanla danışıqlar aparacaq, görüşlərdən sonra isə ikitərəfli sənədlərin imzalanması ehtimalı da istisna edilmir.
15:30 25.05.2026
Oxunuş sayı: 48
