Xarici xəbərlər
İranda mülki itkilər əhval-ruhiyyəni dəyişib
İran daxilində ABŞ və İsrailin hücumlarını əvvəllər dəstəkləyən bəzi iranlılar indi bu hərbi müdaxiləyə qarşı çıxır.
Crossmedia.az xəbər verir ki, bu barədə "Financial Times" məlumat yayıb.
İranın keçmiş Ali Dini Lideri Əli Xameneinin ölümündən sonra bəzi vətəndaşlar rejimin süqutuna ümid edirdilər, lakin genişmiqyaslı bombardmanlar, infrastrukturun dağıdılması və mindən çox mülki şəxsin ölümü əhval-ruhiyyəni tez dəyişib.
Etirazçılar da daxil olmaqla çoxsaylı iranlılar dağıntıdan şoka düşüb və xarici müdaxilənin ölkəyə müsbət dəyişiklik gətirəcəyinə şübhə etməyə başlayıblar. Hətta Pəhləviləri dəstəkləyənlərin bir hissəsi də ABŞ-nin müdaxiləsinə qarşı mövqe sərgiləyir.
Bir sakin evinin yaxınlığında baş verən partlayışdan sonra deyib:
“Biz bombalanmamalı idik.”
Müharibə fonunda milli birlik hissləri və ölkənin parçalanma qorxusu güclənib. Nəticədə əvvəllər hökumət dəyişikliyini hər nə bahasına olursa olsun tələb edən bir çox iranlı indi islahatların sistem daxilindən gəlməsini və sülh ilə sabitliyin qorunmasını üstün tutur.
17:53 12.03.2026
Oxunuş sayı: 468
