Beynəlxalq Enerji Agentliyi dünya bazarında qiymətləri sabitləşdirmək məqsədilə rekord həcmdə – 400 milyon barrel neft buraxıb.
Crossmedia.az bu barədə xarici mediaya istinadən xəbər verir ki, bu addımın məqsədi qlobal bazarda neftin qiymətini aşağı salmaq olub. İlk mərhələdə neftin qiyməti 85 dollar səviyyəsinə qədər düşsə də, sonradan yenidən 100 dollar civarına yüksəlib.
Eyni zamanda, ABŞ-da son illərdə ilk dəfə inflyasiyanın artdığı bildirilir. Analitiklərin qiymətləndirməsinə görə, qlobal inflyasiya 2 faizdən 3,5 faizə qədər yüksələ bilər.
Ekspertlər hesab edir ki, bu göstəricilər hələlik ciddi iqtisadi böhran siqnalı sayılmasa da, qiymət artımının xüsusilə Qərb ölkələrində sürətlənməsi müşahidə olunur.
