Atasına görə cəzalandırıldı: Laricaninin qızı ilə bağlı şok qərar
ABŞ-nin Corciya ştatında yerləşən özəl Emory Universiteti İran Ali Milli Təhlükəsizlik Şurasının katibi Əli Laricaninin qızı Fatimə Ərdəşir Laricaninin universitetdən uzaqlaşdırıldığını təsdiqləyib.
Crossmedia.az xarici KİV-ə istinadən xəbər verir.
Universitet rəhbərliyinin açıqlamasına görə, qərar artan siyasi təzyiqlər, ictimai etirazlar və ABŞ rəsmilərinin narazılığı fonunda qəbul edilib.
Emory Universitetinin Winship Xərçəng İnstitutu da yaydığı qısa bəyanatda İranın yüksək vəzifəli dövlət məmurunun qızı olan həkimin artıq universitetdə çalışmadığını bildirib.
Fatimə Laricani əvvəllər Emory Universitetinin Hematologiya və Tibbi Onkologiya kafedrasında dosent vəzifəsində çalışıb.
Onunla bağlı məlumatlar artıq universitetin internet səhifəsindən silinib.
Universitet onun işdən çıxarılmasının ötən həftə ABŞ tərəfindən atası Əli Laricaniyə qarşı tətbiq olunan sanksiyalarla əlaqəli olub-olmadığını dəqiqləşdirməyib.
12:43 25.01.2026
Oxunuş sayı: 708
