Süni intellektdən ən çox istifadə edən ölkələr: Siyahıda Azərbaycan da var
Azərbaycan 2025-ci ildə süni intellektdən (Sİ) istifadəyə görə dünya reytinqində 147 ölkə arasında 65-ci yeri tutub.
Crossmedia.az xəbər verir ki, bu barədə “Microsoft”un Süni İntellekt İnstitutunun araşdırmasında bildirilib.
Tədqiqata görə, Azərbaycanda əhali arasında süni intellektdən istifadə nisbəti 15,5 faiz təşkil edir. Gürcüstan bu baxımdan Cənubi Qafqazın lider ölkəsidir. Gürcüstan 18, 2 faiz nisbətlə 55-ci yerdə qərarlaşarkən, Ermənistan 6,6 faizlə 139-cudur.
Qonşu ölkələrdən Türkiyə 68-ci (14,6), İran 91-ci (10,7) və Rusiya 119-cu (8) yerdədir.
Digər türk ölkələrinə gəlincə, Qazaxıstan 72-ci (13,7), Qırğızıstan 117-ci (8,2), Özbəkistan 141-ci (6,3) və Türkmənistan 146-cı (5,6) yeri tutur.
Siyahının ilk onluğu aşağıdakı kimdir:
1. BƏƏ (64)
2. Sinqapur (60)
3. Norveç (46,4)
4. İrlandiya (44,6)
5. Fransa (44)
6. İspaniya (41,8)
7. Yeni Zelandiya (40,5)
8. Böyük Britaniya (38,9)
9. Qətər (38,3)
10. Avstraliya (36,9)
Siyahını 5,1 faiz göstərici ilə Kamboca tamamlayır.
Süni intellektdən ən az istifadə edən ölkələrin siyahısı belədir:
138. Laos (6,7)
139. Ermənistan (6,6)
140. Şri-Lanka (6,6)
141. Özbəkistan (6,3)
142. Ruanda (6,3)
143. Kuba (6,1)
144. Əfqanıstan (5,6)
145. Tacikistan (5,6)
146. Türkmənistan (5,6)
147. Kamboca (5,1) (Teleqraf).
20:50 24.01.2026
Oxunuş sayı: 389
