Emin Ağalarov Udmurtiyada ilk hospisin tikintisinə maliyyə dəstəyi göstərib
Məşhur azərbaycanlı müğənni və iş adamı Emin Ağalarov Rusiyanın Udmurtiya Respublikasında inşa olunacaq ilk hospisin (ağır xəstəlikdən əziyyət çəkən şəxslərə və onların ailələrinə tibbi, psixoloji və sosial dəstək göstərən xüsusi müəssisə) tikintisi üçün 300 min rubl (təxminən 6 320 manat) məbləğində ianə edib.
Crossmedia.az xəbər verir ki, bu barədə “Dom pod krılom” (“Qanad altındakı ev”) xeyriyyə fondu məlumat yayıb. Fondun açıqlamasında qeyd olunur ki, bu dəstək layihənin reallaşması baxımından xüsusi əhəmiyyət daşıyır:
“Bizə son dərəcə vacib və dəyərli dəstək göstərildi. Ölkə miqyasında tanınan müğənni EMİN fondumuzu 300 min rubl məbləğində ianə ilə dəstəklədi. Ürəkdən təşəkkür edirik! Bu yardım bizə ilham verir, irəli getmək və ‘Dom pod krılom’un mütləq qapılarını açacağına inanmaq üçün güc verir”, – deyə fondun paylaşımında bildirilir.
Emin Ağalarovun bu addımı cəmiyyət tərəfindən humanist və sosial məsuliyyət nümunəsi kimi qiymətləndirilir.
Sevinc Yarməmmədova
20:15 21.12.2025
Oxunuş sayı: 1403
