Misir XİN: Qəzza razılaşmasının ikinci mərhələsinin icrasına tezliklə başlanıla bilər
İsrail və HƏMAS arasında aparılan dolayı danışıqlarda vasitəçilərin görüşü müsbət nəticələr verib və bu, Qəzza üzrə razılaşmanın ikinci mərhələsinin tezliklə icrasına ümid yaradır.
Bu barədə Misirin xarici işlər naziri Bədr Abdelatti açıqlama verib.
Crossmedia.az xəbər verir ki, nazirin sözlərinə görə, Mayamidə keçirilən danışıqlar konstruktiv mühitdə baş tutub və tərəflər arasında anlaşma üçün əlverişli şərait yaranıb.
“Danışıqlar yaxşı keçdi, atmosfer müsbət idi. Ümid edirik ki, yaxın zamanda Qəzzada atəşkəs razılaşmasının ikinci mərhələsinin icrasına keçəcəyik”, – deyə Abdelatti Qahirədə keçirilən Rusiya-Afrika Forumu çərçivəsində TASS-a müsahibəsində qeyd edib.
Qeyd edək ki, Qəzza üzrə razılaşmanın ikinci mərhələsi humanitar tədbirlərin genişləndirilməsi və sabitliyin möhkəmləndirilməsi baxımından mühüm hesab olunur. Vasitəçilərin səyləri regionda gərginliyin azaldılmasına yönəlib.
Sevinc Yarməmmədova
19:48 21.12.2025
Oxunuş sayı: 1027
