AB liderləri Ukraynaya maliyyə yardımı ilə bağlı razılığa gələ bilməyiblər
Avropa Birliyi liderləri Ukraynaya dondurulmuş Rusiya aktivlərindən istifadə etməklə maliyyə yardımı göstərmək məsələsində razılığa gələ bilməyiblər. Hazırda Kiyevə iki il ərzində 90 milyard avro məbləğində birgə kredit müqaviləsi nəzərdən keçirilir, lakin Macarıstan, Çexiya və Slovakiya bu planın xaricində qalacaq.
Crossmedia.az xarici KİV-ə istinadən xəbər verir ki, zirvə görüşünün yekun bəyannaməsində ortamüddətli maliyyələşdirmə üçün müvəqqəti həll yolu nəzərdə tutulub. Liderlər Ukraynaya AB-nin kapital bazarlarından borc almasına əsaslanan və AB büdcə ehtiyatları ilə təmin edilmiş kredit vermək barədə razılığa gəliblər. Nəticə bəzi liderlər üçün uğur, bəziləri üçün isə sarsıdıcı olub.
Məlumata görə, ABŞ bu məsələdə əsas rol oynayıb və bəzi Avropa ölkələrinin razılığa qarşı çıxmasına səbəb olub. ABŞ hesab edir ki, Rusiya aktivlərinin müsadirəsi Ukraynanın yenidənqurulması üçün pul qalmamasına gətirib çıxara bilər. Beləliklə, Ukraynanın maliyyələşdirilməsi əsasən Avropa vergi ödəyicilərinin hesabına həyata keçiriləcək və Rusiyanın Avro sisteminə zərbə vurmaq imkanları nəzərə alınıb.
21:49 19.12.2025
Oxunuş sayı: 869
