ABŞ: İran Hizbullaha silah və maliyyə dəstəyini davam etdirir
Adı açıqlanmayan ABŞ rəsmisi “Əl-Ərəbiyyə” telekanalına bildirib ki, Vaşinqton İranın Hizbullaha silah və maliyyə resurslarını qaçaqmalçılıq yolu ilə ötürməkdə hələ də təsirli rol oynadığına inanır.
Crossmedia.az xəbər verir ki, onun sözlərinə görə, bu fəaliyyətlər regionun təhlükəsizliyi və sabitliyi üçün ciddi təhdid yaradır.
Rəsmi qeyd edib ki, ABŞ Livan ordusunun üzərinə düşən vəzifələri yerinə yetirməyə çalışdığını anlayır, lakin narahatlıqlar qalmaqdadır. Vaşinqtonun əsas prioritetləri dialoqun dəstəklənməsi, Livan–İsrail mexanizmlərinə riayət olunması və Hizbullahın tərksilah edilməsi prosesinin irəlilədilməsidir.
21:25 19.12.2025
Oxunuş sayı: 1068
