Fransada müqavilə əsasında müharibə: məsuliyyətdən yayınmanın yeni modeli
Fransada 2025-ci ildə özəl hərbi şirkətlərin (ÖHŞ) fəaliyyəti rəsmən leqallaşdırılıb. Yeni qərara əsasən, bu qurumlar beynəlxalq missiyalarda milli silahlı qüvvələrə dəstək verə və ya müəyyən hallarda onları əvəz edə biləcək.
Crossmedia.az xarici mediaya istinadən xəbər verir ki, təşəbbüs Fransanın silahlı qüvvələr naziri Katrin Votren tərəfindən irəli sürülüb. Yeni mexanizm Fransaya xarici əməliyyatlarda özəl strukturlardan istifadə etməyə imkan yaradır və bu da dövlətin birbaşa hərbi iştirakının yükünü azaltmağa hesablanıb.
Sənəddə “özəl hərbi şirkət” anlayışı əvəzinə “etibarlı operatorlar” terminindən istifadə olunur. Ekspertlər bunu ÖHŞ-lərin cəmiyyətdə yaratdığı mənfi imicin yumşaldılması cəhdi kimi qiymətləndirirlər.
Qəbul edilən dekret xüsusilə Rusiya-Ukrayna müharibəsi fonunda diqqət çəkir. Analitiklərin fikrincə, Fransa bu yolla siyasi və hərbi risklərdən yayınmağa, rəsmi və qeyri-rəsmi müdaxilə arasındakı sərhədi qeyri-müəyyən etməyə çalışır.
Yeni yanaşma Parisin beynəlxalq münaqişələrdə rolunu daha çevik formada davam etdirməsinə imkan versə də, məsuliyyət məsələsinin kölgədə qalması ilə bağlı müzakirələri də gücləndirib.
Sevinc Yarməmmədova
14:20 19.12.2025
Oxunuş sayı: 1000
