Rusiya xeyrinə casusluqda ittiham olunan üç nəfərin məhkəməsi başlayıb
Almaniyanın Frankfurt-Mayn Ali Torpaq Məhkəməsinin Dövlət Təhlükəsizliyi Senatında Ukrayna vətəndaşı A. Robert, Ermənistan vətəndaşı İ. Vardqes və Rusiya vətəndaşı S. Armana qarşı casusluq işi üzrə məhkəmə prosesi açılıb.
Crossmedia.az xarici mediaya istinadən xəbər verir ki, Federal Prokurorluğun məlumatına görə, 2024-cü ildə İ. Vardqes Almaniya ərazisində Ukrayna silahlı qüvvələrində xidmət etmiş bir şəxsi izləməyə başlayıb və bu işdə A. Robert və S. Armandan istifadə edib. Şübhəlilər həmin şəxsi Frankfurt-Mayn şəhərində kafeyə dəvət edərək onun haqqında əlavə məlumat toplamağı planlaşdırıblar, lakin hədəf polisə müraciət etdiyindən görüş baş tutmayıb.
İttihamları rədd edən İ. Vardqesin vəkili prokurorluğun versiyasının düzgün təqdim edilmədiyini və alternativ izahatların nəzərdən keçirilmədiyini bildirib. Şübhəlilər 19 iyun 2024-cü ildə həbs olunub və indiyədək həbsdə saxlanılırlar.
Nigar Yahyazadə
18:53 09.12.2025
Oxunuş sayı: 1539
