Trampdan sərt xəbərdarlıq: HƏMAS silahı yerə qoymasa, İsrail “küçələrə qayıdacaq”
İsrail Müdafiə Ordusu, ABŞ prezidenti Donald Trampın razılığı ilə, əgər Fələstin hərəkatı HƏMAS Amerika liderinin sülh planının şərtlərini yerinə yetirməsə, Qəzzə küçələrinə qayıda bilər.
Bu barədə Crossmedia.az CNN-ə istinadən xəbər verir.
“İsrail mənim bir sözümə o küçələrə qayıdacaq, – deyə ABŞ prezidenti telefon müsahibəsində HƏMAS-ın silahı yerə qoymaqdan imtina etməsi ilə bağlı suala cavab verərkən bildirib. Əgər İsrail daxil olub onların ağlını başına gətirə biləcəksə, bu, ediləcək”.
ABŞ prezidenti əlavə edib ki, hazırda o, İsrail hakimiyyətini və ordusunu “saxlamağa məcburdur”.
Eyni zamanda, İsrailin müdafiə naziri İsraël Kaats Qəzzədə döyüş əməliyyatlarının bərpası halında hərəkət planı hazırlanması barədə İsrail Müdafiə Qüvvələrinə göstəriş verib.
“ABŞ prezidenti Donald Tramp tərəfindən hazırlanmış plan çərçivəsində HƏMAS bütün öldürülmüş girovların meyitlərini qaytarmalı və silahı yerə qoymalıdır. Bu zaman İsrail beynəlxalq qüvvələrlə birlikdə Qəzzədəki tunelləri və terror infrastrukturunu məhv etmək, bölgənin demilitarizasiyasını təmin etmək və onun İsrail üçün təhlükə yaratmamasına zəmanət vermək məqsədilə fəaliyyət göstərəcək,” – deyə açıqlamada bildirilir.
Müdafiə naziri bəyan edib: “Əgər HƏMAS razılaşmanın öz hissəsini yerinə yetirməkdən imtina edərsə, İsrail döyüş əməliyyatlarını bərpa edəcək və müharibənin bütün hədəflərinə nail olmağa çalışacaq”.
Bu məlumat müdafiə nazirinin ofisi tərəfindən yayıldıqdan sonra, ABŞ prezidenti Donald Tramp HƏMAS-ın razılaşmanı yerinə yetirməyəcəyi təqdirdə İsrailə Qəzza sektorunda hərbi əməliyyatları bərpa etməyə icazə verəcəyini bəyan edib.
Türkanə Məşədiyeva
09:23 16.10.2025
Oxunuş sayı: 1537
