Gürcüstanda azərbaycanlılardan dil təşəbbüsü
Gürcüstanda yaşayan azərbaycanlılar “Milli azlıqların dili” fənninin “Azərbaycan dili və ədəbiyyatı” ilə əvəzlənməsi təşəbbüsü ilə çıxış ediblər.
Crossmedia.az xarici mənbəyə istinadən xəbər verir.
Petisiya “Change.org” platformasında yerləşdirilib və Gürcüstanın təhsil naziri Givi Mikanadzeyə ünvanlanıb.
Təşəbbüsün müəllifi — “Maarif” təşkilatının sədri Aygül İsayeva — bildirib ki, “milli azlıqların dili” terminindən istifadə Gürcüstan vətəndaşı olan azərbaycanlıların təhsil hüquqlarını pozur.
Onun sözlərinə görə, fənnin adının “Azərbaycan dili və ədəbiyyatı” kimi müəyyənləşdirilməsi məntiqlidir — eynilə “Gürcü dili və ədəbiyyatı” kimi. Bu təşəbbüs mədəni kimliyin qorunmasına və Azərbaycan dilinin ölkənin təhsil sistemindəki statusunun saxlanmasına yönəlib.
İmzalar toplandıqdan sonra petisiya Gürcüstan Təhsil Nazirliyinə təqdim olunacaq.
Günel Verdiyeva
19:54 15.10.2025
Oxunuş sayı: 2371
