ABŞ Bağdaddakı qoşunlarını Ərbilə yerləşdirməyə başlayıb
ABŞ qoşunlarını Bağdaddan çıxarıb, onları Ərbilə yerləşdirməyə başlayıb.
Eyn əl-Əsəd Hava Bazası, Bağdad Beynəlxalq Hava Limanı və Birgə Əməliyyat Qərargahından geri çəkilmə prosesi bu ilin sentyabr ayının əvvəlində başlayacaq və qoşunlar Kürd bölgəsindəki Ərbil şəhərinə yerləşdiriləcək.
Crossmedia.az xəbər verir ki, İraqda hərbi təlimatçıların məhdud iştirakı davam edəcək, lakin bu mövcudluq beynəlxalq koalisiya qüvvələri ilə əlaqəli olmayacaq.
ABŞ qoşunlarının Bağdaddan Ərbilə hərəkəti Vaşinqtonun regionda təsirini saxlamaq planlarının bir hissəsi kimi qiymətləndirilə bilər. ABŞ qoşunlarının yerini dəyişdirməklə İraqı tərk etdiyini göstərməyə çalışır, əslində isə kürd bölgəsində olarkən öz siyasi və təhlükəsizlik məqsədlərini güdür.
Bu addım onu göstərir ki, Amerika hələ də İraqın mərkəzi hökumətinə təzyiq göstərmək və ölkənin şimalında təhlükəsiz baza yaratmağa çalışır.
16:31 23.08.2025
Oxunuş sayı: 896
