ABŞ və Rusiya arasında Ukrayna ilə bağlı yeni qarşıdurma
Rusiya XİN rəhbəri Sergey Lavrov ABŞ və Avropa qoşunlarının Ukraynada yerləşdirilməməsi ilə bağlı təhlükəsizlik zəmanətlərini qəbul etməyib.
Crossmedia.az xəbər verir ki, bu barədə xarici KİV-lər məlumat yayıb.
Belə ki, Bloomberg yazır ki, bu mövqe Vaşinqtonla aparılan danışıqları faktiki olaraq dayanma nöqtəsinə gətirib.
Eyni zamanda, Reuters-in məlumatına görə, ABŞ və Avropa tərəfdaşları gələcək təhlükəsizlik paketinin bir hissəsi kimi Ukrayna üzərində uçuşsuz zona yaratmaq ehtimalını müzakirə edirlər.
The Guardian bildirir ki, ABŞ prezidenti Donald Tramp hələlik birbaşa vasitəçilikdən kənarda qalmaq niyyətindədir. O, əvvəlcə Putin və Zelenskinin ikitərəfli görüşməsini, daha sonra isə mümkün üçtərəfli sammit təşkil etməyi planlaşdırır.
Qeyd olunub ki, Tramp Rusiyanın danışıqlar fonunda pilotsuz aparatlarla və hava zərbələri ilə hücumlarını, eləcə də Lavrovun sərt mövqeyini “hörmətsizlik” kimi dəyərləndirib.
Bildirək ki, Trampın Zelenski və Avropa liderləri ilə son görüşləri ABŞ-lə Kiyev arasında münasibətləri yaxşılaşdırıb.
Fatimə Məmmədova
09:34 22.08.2025
Oxunuş sayı: 1364
