Zelenski: "Rusiya müharibəni dayandırmaq üçün ərazilərin təslim olunmasını təklif edir"
Ukrayna Prezidenti Volodimir Zelenski bildirib ki, Moskva müharibənin dayandırılması müqabilində ərazilərin təslim olunmasını təklif edir.
Crossmedia.az bildirir ki, Zelenski jurnalistlərə açıqlamasında deyib: “Putin bizə guya hansısa ‘hava’ satmaq istəyir – guya üzərimizə hücum etməyəcək, əvəzində isə siz nəzarət etdiyiniz əraziləri verin. Məncə, bu sadəcə onun növbəti gedişidir, çünki o, müharibəni bitirmək istəmir”.
Prezident həmçinin Rusiyanın Çini Ukraynanın təhlükəsizlik zəmanətçiləri sırasına daxil etmək təklifini də rədd edib. “Bizə Ukraynaya kömək etməyən, ən çox ehtiyac duyduğumuz anda dəstək verməyən zəmanətçilər lazım deyil. Bizə yalnız kömək etməyə hazır olan ölkələrin təhlükəsizlik zəmanəti lazımdır”, – deyə Zelenski vurğulayıb.
Mehriban Yariyeva
13:52 21.08.2025
Oxunuş sayı: 1209
