Rusiya hərbçiləri həbs olundu - Dövlətə 2,2 milyon dollar ziyan dəyib
Rusiya İstintaq Komitəsinin məlumatına görə, 83-cü qvardiya hücum briqadasının əsgərləri kompensasiya və imtiyazlar almaq üçün öz aralarında atışaraq yaralanmalarını saxtalaşdırıblar. Belə ki, bu fırıldaq nəticəsində dövlətə 200 milyon rubldan (təxminən 2,2 milyon dollar) çox ziyan dəyib.
Crossmedia.az xəbər verir ki, bu barədə xarici KİV məlumat yayıb.
Məlumata görə, hadisədə 30-dan çox hərbçi iştirak edib. Onların arasında briqadanın keçmiş komandiri Artyom Gorodilov və xüsusi əməliyyatlar rəisi Konstantin Frolov da var. Hər ikisi 2024-cü ilin yayında həbs olunub, günahlarını etiraf edərək digər hərbçilərə qarşı ifadə veriblər.
İstintaqa əsasən, əsgərlər bir-birlərinə ölümcül olmayan yerlərdən atəş açaraq yaralanmaları “imitasiya ediblər”. Qeyd edək ki, bu yolla hər biri 3 milyon rubl (təxminən 33 min dollar) kompensasiya alıb.
Fatimə Məmmədova
13:42 21.08.2025
Oxunuş sayı: 1177
