Ermənistanda 2020-ci il noyabr hadisələrinə görə daha 7 nəfər saxlanılıb
Ermənistan Respublikasının İstintaq Komitəsi 2020-ci il 10 noyabr tarixində baş vermiş kütləvi iğtişaşlarda iştirak edən daha 7 nəfərin saxlanıldığını açıqlayıb.
Crossmedia.az Ermənistan mediasına istinadla bildirir ki, cinayət işi çərçivəsində Milli Təhlükəsizlik Xidmətinin əməkdaşları hökumət və parlament binalarında, eləcə də digər ərazilərdə baş verən iğtişaşlara qatılan, konstitusiya quruluşunun zorakı yolla devrilməsinə çağırış edən və Milli Məclisə, eləcə də hökumətə təzyiq göstərməyə çalışan daha 7 nəfəri müəyyən edib.
Qeyd edək ki,müstəntiq vəsatəti əsasında, nəzarəti həyata keçirən prokurorun təqdimatı ilə həmin şəxslər barəsində cinayət təqibi başlanılıb və onlar saxlanılıblar. Məhkəməyə həmin şəxslərin barəsində inzibati nəzarət qismində həbs qətimkan tədbirinin seçilməsi üçün vəsatət təqdim edilib.
Fidan Xəlilova
16:50 11.07.2025
Oxunuş sayı: 750
