İran Britaniyanın ittihamlarını rədd etdi
İran hökuməti Britaniya Pparlamentinin Kəşfiyyat və Təhlükəsizlik Komitəsi tərəfindən yayımlanan hesabatda Tehranın Britaniyaya qarşı casusluq, fiziki zorakılıq və kiberhücum fəaliyyətlərində iştirak etdiyinə dair açıqlamaları qətiyyətlə rədd edib. İranın Londondakı səfirliyi məsələ ilə bağlı rəsmi bəyanat yayaraq, bu ittihamların "tamamilə əsassız və sübutsuz" olduğunu bildirib.
Bu barədə Crossmedia.az xarici KİV-ə istinadən məlumat verir.
Səfirliyin bəyanatında vurğulanıb ki, İran dəfələrlə Britaniya tərəfini konkret və mötəbər sübutlar təqdim etməyə çağırıb, lakin bu tələb cavabsız qalıb.
Tehran, bu hesabatı düşmənçilik siyasətinə haqq qazandırmaq məqsədilə "kəşfiyyat məlumatlarının sui-istifadəsi" kimi dəyərləndirərək, Londonu iki ölkə arasındakı münasibətləri və regional sabitliyi pozacaq yalan məlumatlar yaymaqdan çəkinməyə çağırıb.
13:38 11.07.2025
Oxunuş sayı: 768
